Starfsleyfistillögur í auglýsingu

Umhverfisstofun auglýsir tillögu að starfsleyfi fyrir starfsstöð Reykjagarðs hf. að Ásmundarstöðum, Ásahreppi. Tillagan gerir ráð fyrir allt að 145.000 stæðum fyrir holdakjúklinga og 32.000 stæðum fyrir fulga til undaneldis.

Umhverfisstofnun hefur fallist á að framlengja gildistíma starfsleyfis Stjörnugríss hf. Melum, Hvalfjarðarsveit vegna reksturs svínabús.

Umhverfisstofnun hefur tekið ákvörðun um útgáfu á starfsleyfi fyrir Orku Náttúrunnar til reksturs hreinsivirkis við Hellisheiðarvirkjun.

Umhverfisstofnun auglýsir framlengingu á starfsleyfi Stjörnugríss hf á Melum, Hvalfjarðarsveit, sem gildir fyrir svínabú með allt að 8000 stæðum fyrir alisvín. Umhverfisstofnun er heimilt að framlengja starfsleyfi rekstraraðila í samræmi við 4. mgr. 6. gr. laga nr. 7/1998 um hollustuhætti og mengunarvarnir. Framlengingin á starfsleyfi er heimil til eins árs en hún mun gilda til 29. júní 2024.

Umhverfisstofnun hefur móttekið umsókn um endurnýjun á starfsleyfi Stjörnugríss hf. fyrir starfsstöð þeirra á Melum í Hvalfjarðarsveit.

Umhverfisstofnun hefur unnið tillögu að starfsleyfi fyrir nýja hreinsistöð Orku náttúrunnar við Hellisheiðarvirkjun. Starfsleyfið heimilar uppsetningu nýrrar og stærri hreinsistöðvar ásamt lögnum til og frá stöðinni Hreinsistöðin kemur til með að hreinsa út 95% CO2 og 99% H2S frá Hellisheiðarvirkjun.

Umhverfisstofnun hefur unnið tillögu að breytingu á starfsleyfi Arctic Sea Farm hf. í Ísafjarðardjúpi. Breytingin snýst aðallega um aukningu á umfangi ásamt tegundabreytingu. Núverandi leyfi heimilar allt að 5.300 tonna lífmassa af regnbogasilungi en eftir breytingu verður umfangið allt að 8.000 tonna lífmassi að hámarki 5.200 tonn af frjóum laxi.

Umhverfisstofun auglýsir tillögu að starfsleyfi fyrir TDK Foil ehf. í Krossanesi 4, Akureyri. Tillagan gerir ráð fyrir heimild til framleiðslu á allt að 2.200 tonnum eða 10.800.000 m2 af aflþynnum fyrir rafmagnsþétta. Um er að ræða endurnýjun á starfsleyfi og gert er ráð fyrir sama umfangi og áður.

Umhverfisstofnun hefur unnið tillögu að endurnýjun á starfsleyfi Öggs ehf. í Hjaltadal. Öggur ehf. hefur verið með leyfi fyrir 12 tonna bleikjueldi í Hjaltadal og er um endurnýjun á því leyfi að ræða. Leyfið var framlengt í júní 2022 sem gildir til 6. júní í ár 2023.

Umhverfisstofnun hefur unnið tillögu að starfsleyfi fyrir fyrirtækið Icelandic Land Farmed Salmon ehf. í Friðarhöfn, Vestmannaeyjum. Um er að ræða seiðaeldisstöð með allt að 199 tonna hámarkslífmassa á hverjum tíma.

Umhverfisstofnun hefur unnið tillögu að starfsleyfi Bleikju ehf. að Laugum í Landsveit. Um er að ræða landeldi á laxfiskum með allt að 100 tonna hámarkslífmassa á hverjum tíma.

Umhverfisstofnun auglýsir tillögu að breytingu á starfsleyfi Malbikunarstöðvarinnar Höfða hf. í Álhellu 34, Hafnarfirði. Breytingin fellst í því að ekki þarf að hafa olíuskilju á úðunarsvæði vörubílspalla svo framarlega sem vatnsleysanleg húðunarefni eru notuð.